دمعة السيد جوزيف دانيال على الأستاذ عبد الكريم الحصري (ر سالة من روح أبو غسان)
لا تبكي كتير ياحروف الكتابي
ولابدي الشعر يزعل ع شبابي
ولابدي دمعة الحلوين تنزل
ولا بدي ال حزن يتخطا عتابي
أنا الخليت نور العلم منهل
تنور الحرف يصطع بالضبابي
أنا العمَّرت للطلاب معقل
تأسمي صاريخفق عالروابي
أنامن الحق ماتعودت إخجل
ولونو صارسيفو ع رقابي
أنا أبو غسان وِل بيريد يسأل
لغير الرب مابحني ركابي
سألوا فيروزتي عن ثوب مخمل
بقوافي الشعر كللتو إهابي
سألوا الوردات لو فاحوا بزيدل
سأيتن خمر تَ حمرو الخوابي
ياريتو الرب كان اليوم أجَّل
لبعد العيد تَ غمض هدابي
شوكانت شجرة الميلادأجمل
وما كنت ختمت عَصدري كتابي
ولأنو الموت عالإنسان مُنزل
قدَر ماتقطع بحور الطبابي
بكفي فخر لولا اليوم عجَّل
مرح بيموت إسمي ياحبابي